متلازمة المحتال – Imposter Syndrome 😶‍🌫️

ايش يعني "متلازمة المحتال"؟

إذا كنت من هالنوع، فأنت عندك متلازمة المحتال، وهي شعور داخلي يخليك تحس إنك ما تستحق اللي وصلت له، وإنك فاشل متخفي ينتظر أحد يكشفه! 😰

تحس إن كل نجاحاتك كانت حظ أو صدفة، حتى لو جبت درجات عالية، أو أخذت شهادة، أو مدحك دكتور... إلخ

على طول صوت من داخلك يبدأ يقول لك إنها كانت مجاملة أو حظ.

طيب ليه تحس كذا؟ 🤔

لأنك تربط النجاح بـ"الكمال"، وتنسى إن النجاح يجي بعد تعب وأخطاء، وتقارن نفسك بغيرك بدون ما تشوف المميزات اللي عندك.

حل المتلازمة هذي بسيط، بس صعوبته تكمن بالاستمرارية فقط:

1- اعترف بمشكلتك، واعرف إن مو كل شيء تحسه يعني شيء حقيقي.

2- دوّن كل إنجازاتك، صغيرها قبل كبيرها، هذا بيرفع من شعور إنك شخص مُنجِز.

3- لا تربط كل شيء تسويه بالنتيجة، لأن أحيانًا ما تكون النتيجة نفس المتوقع.

4- أخيرًا لما تواجه مدح بكل بساطة... اقبله، وإنك فعلاً تستحق المدح. 🌟

أخيرًا...

تذكّر إنك ناجح وتستاهل كل خير وصلت له،

وطالما جالس تحاول وتتقدّم وتمشي خطوة خطوة... هذا يكفي 💚